VINTERFERIE OG REMA 1000 HANDBALLSKULE
Bergsøy Handball har gleda av å invitere til enda ein handballskule denne handballsesongen og den 5. Januar er påmeldinga endelig open! I vinterferien, 19., 20. og 21. februar arrangerar Bergsøy Handball REMA 1000 handballskule i Einehallen.
Er du allereie aktiv i handballgruppa eller ynskjer å prøve ut noko nytt? Kanskje kjenner du nokon som har lyst å prøve handball eller rett og slett berre har lyst å vere aktiv i vinterferien? Då er REMA 1000-handballskule den perfekte anledning til akkurat det!
Bergsøy Handball stillar med dyktige intruktørar frå 1. divisjonslaget, med gode hjelparar for å gjennomføre ein best mogleg handballskule. Det vil bli lagt tilrette for mykje aktivitet med og utan ball, eit fruktmåltid med drikke mellom øktene og god stemning!
Som tidlegare vil Bergsøy arrangere handballskule frå 1. klasse og heilt opp til 7. klasse. Det vil bli sortert i to ulike puljer frå 1.-4. klasse og frå 5.-7.klasse.
Det vil bli organisert slik at øktene for 1.-4. klasse er frå klokka 09:00 til 11:00, så vil 5.-7. klasse ha økter frå 12:00-14:00.
Påmeldinga til handballskulen opna 05.01.24 og vil vere open til og med 05.02.24.
Meld deg på, spre ordet og hjelp oss gjerne med å fylle påmeldinga!
Det er totalt 50 plassar tilgjengeleg på handballskulen og det hadde vore svært gledelig å fylt opp påmeldinga!
PS: Etter påmeldingsfrist vil det dessverre ikkje vere mogleg å etterpåmelde som tidlegare. Så husk fristen!!
