FØR KAMPEN: BERGSØY-RYGER

Det byrjar å skille seg ut bunnen på tabellen for Bergsøy med ni poeng ned til nedrykksplass. Bergsøy er pr idag på trygg grunn, men har heng i pulja frå 10. plass til 6. plass med to poeng som skill. Akkurat difør blir søndagens kamp mot Ryger svært viktig!

Bergsøy (10. plass), Tiller (9. plass) og Grenland (8. plass) ligg alle med 17 poeng, Ryger på 7. plass ligg med 18 poeng og Bodø på ein 6. plass har fanga 19 poeng. Det er med andre ord eit rotterace om plassane i 1. divisjon.

På søndag kjem Ryger frå Stavanger på besøk i Herøyhallen for kamp om to viktige poeng. Førre gong laga møttes i Stavanger såg det lenge mørkt ut for Bergsøy. Etter 40 minutt spelt stod det 20-10 på tavla til fordel Ryger. Bergsøy gutta gav aldri opp og klarte på mirakuløst vis å hente inn Ryger og redde eitt poeng på 23-23.

Bergsøy kjem frå ein god prestasjon på austlandet, då dei slo ROS IL 33-23. I motsetning til Ryger, som nok er noko misfornøgd med førre prestasjon mot samme lag – der enda det med poengdeling og sluttresultatet 28-28.
Alt ligg med andre ord til rette for ein tett og jamn kamp mellom to lag som ynskjer å vinne og avansere oppover på tabellen!

Bergsøy Handball håpar på full hall og god stemning på søndag klokka 16:30!

Billettar kjøpast her:
https://bergsoy.ticketco.events/no/nb