To viktige poeng blei igjen i Herøyhallen!

Det blei som venta lenge ein tett og jamn kamp då Ryger besøkte Herøyhallen på søndag. Det var ikkje før eit stykke ut i 2. omgang, med god hjelp frå heimepublikumet, at Bergsøy tok kontroll på kampen og kunne juble for to poeng då resultattavla viste 30-24!

Strålande sol ute, men fortsatt full hall inne tydar på at Bergsøy Handball gjer noko riktig om dagen. Sjølv etter to tap på heimebane mot Grenland (28-35) og Melhus (22-23) vart det fortsatt ein godt besøkt Herøyhall som vitna ein tett og fysisk kamp på søndag.

Eit Bergsøy-lag anført av ei eksplosiv bakrekke i Petter Eikrem, Christopher Ekmann og Markus Buchardt i samarbeid med linjespelar Esben Bloch, gjorde livet svært surt for Ryger sitt offensive 5-1 forsvar. Mykje gode samhandlingar og avtalar førte til at Bergsøy ofte kom blankt gjennom på gode sjansar. Ditto var det også for Ryger, som også spela seg til gode sjansar på Bergsøy sitt flate forsvar. Ingen av laga klarte diverre å sette ein stoppar for kvarandre og dette gjorde at Bergsøy kunne gå til pause med ei lita leiing med 17-15.

Etter pause fortsatte det som var kampbilete i 1. omgang. Ryger kjørte sitt spel med tung fysikk og mykje kraft, mens Bergsøy fortsatt sine hurtige ballflytningar og duellspel. Det var ikkje før Petter Eikrem satt inn sitt andre straffemål for dagen i det 52. speleminutt at nokon av laga fikk ei større leiing enn tre mål. Frå 22-20 i det 50. speleminutt, viste Bergsøy at dei var eit bedre lag og hadde ei breidare tropp enn Ryger Handball på søndag.

Bergsøy fortsatte sitt sterke og presise spel, samstundes som Ryger prøvde 7-6 utan særlig hell. Om det ikkje var forsvaret som blokka, laga brott eller snappa, så var Sigvart Kval bakerst og stoppa fleire viktige ballar – som gjorde at Bergsøy kunne øke leiinga frå 23-20 til 30-24, som fastsatt sluttresultatet.

Med to viktige poeng i boks kan Bergsøy avansere opp til ein 7. plass på tabellen, ein kamp mindre spelt enn laga under seg, Grenland, Tiller og Ryger som jaktar hakk i hæl. Eit svært gledelig syn for ein Bergsøy-tilhengar!

1. divisjon menn, Håndballsesongen 2024/2025

☆

Nr	Lag	K	V	U	T	Mål	P
1	Sandefjord	19	16	0	3	639 – 511	32
2	Viking TIF	19	15	0	4	653 – 534	30
3	Charlottenlund	18	14	0	4	582 – 534	28
4	Melhus	18	13	1	4	551 – 464	27
5	Åsane	19	11	0	8	599 – 567	22
6	Bodø	18	10	1	7	522 – 519	21
7	Bergsøy	18	9	1	8	520 – 538	19
8	Ryger Stavanger	19	7	4	8	486 – 483	18
9	Tiller	19	8	1	10	541 – 531	17
10	Grenland Topphåndballklubb	19	8	1	10	525 – 541	17
11	Falk Horten	19	4	2	13	523 – 567	10
12	Ros	18	3	2	13	514 – 608	8
13	Storhamar	19	3	1	15	508 – 591	7
14	HK-72 Sande	18	2	0	16	499 – 674	4

PS: Ekstra hyggelig var det å sjå Erik Helgesen tilbake i godt driv på handballbana etter eit langt skadeavbrekk heile fjorårets sesong. Han fikk sårt etterlengta minutter i 1. divisjon og viste sin spisskompetanse med ein gong med eit flott langskot som gikk i mål!

Tusen takk til alle som møtte opp og heia Bergsøy fram til enda ein ny siger i 1. divisjon!

Neste kamp kjem allereie på søndag, mot TIF Viking i Bergen. Vi håpar fleire utflytta Sunnmøringar tek turen til Haukelandshallen søndag 23. februar klokka 16:00 for å støtte Bergsøy-herrane!