TO POENG MOT HK-72 SANDE OG 6. PLASS PÅ TABELLEN!
Bergsøy gjesta Sandehallen søndags ettermiddag og det var knytta spenning til den komande kampen då HK-72 Sande har vist til sterke resultat dei siste tre kampane. Siger mot Storhamar, Grenland og ROS viser at HK-72 Sande ikkje er noko kasteball i årets divisjon, sjølv om nedrykket allereie er fastsatt.
Det vart aldri spennande i Sandehallen, då Bergsøy viste sin dominans allereie fra fyrste minutt. Allereie etter femten minutt hadde Bergsøy scora femten mål mot HK-72 Sande sine sju. Det var fyrst og fremst eit godt fysisk rusta Bergsøy-lag som tok initiativet mot eit ungt og tempofylt HK-72 Sande. Gode samhandlingar, harde duellar og godt keeperspel førte til at Bergsøy scora som dei ville frå alle posisjonar.
Den tidlege leiinga gjorde at Bergsøy kunne rullere tidlig i 1. omgang og alle fekk spele rikelig igjennom heile kampen. Bergsøy gjekk til pause med leiinga 23-17.
OFFENSIVT FORSVAR OG MYKJE ENKELT PRESTASJONAR
2. omgang blei ein rotete handballkamp med lite samhandlingar og mykje enkeltmannsprestasjonar. HK-72 Sande prøvde ulike variantar både offensivt og defensivt. Frå 6 mot 6, gjekk dei til 7 mot 6 i angrep, med ope mål. Bergsøy sitt forsvar fikk tidvis problem med taktisk dyktige bakspelarar i Sande. Men fleire gongar vant Bergsøy ballen og scora mål frå eigen banehalvdel.
Defensivt møtte Bergsøy eit offensivt forsvar som stod høgt og tok ut bakspelarar. Dette førte til mykje duellar i midtsektor på eigen stuss som Bergsøy hadde få problem med å løyse på ein god måte. Bak- og linjespelarane Markus Buchardt, Nicolay Nordli, Petter Eikrem, Sander Aasen og Esben Høiris Bloch stod for heile 34 mål på 72% uttelling – Meget godkjent!! Ekstra gledelig var det at unge, lokale Sander Aasen fekk rikelig med speletid og gjorde sine saker godt med ein fin enkeltmannsprestasjon då han finta seg gjennom og satt ballen i mål!
Siste ti minutta av kampen blei ei sjarmøretappe der Bergsøy gjekk frå å leie med 12 mål til å vinne med seks mål: 40-34! To poeng på søndag resulterte i at Bergsøy avanserte frå 7. plass til 6. plass på tabellen og passerte Åsane, som tapte mot Bodø.
NESTE HEIMEKAMP – ÅRETS SISTE!!
Neste heimekamp kjem allereie på søndag klokka 14:00 i Herøyhallen. Då kjem Tiller fra Trondheim på besøk. Førre gong laga møttes vant Tiller i Husebyhallen, med resultatet 31-26. Med tidligare Bergsøy-spelarar Simen Haugen og Håkon Tømmerdal Forberg klar for dyst – har Tiller hatt ein fin debutsesong i 1. divisjon og er berre to plasseringar bak Bergsøy på tabellen.
Bli med å lag handballfest i Herøyhallen siste seriekamp for sesongen 2024/2025 og hjelp Bergsøy-herrane til å behalde den flotte 6. plassen!
